Jis datne nåake damth

Gaajhkesh nåake damta muvhtene . Daate iemies bielie jieliedistie . Jeenjemes buerebe damta , mohte naan aejkien maahta daarpesjidh dåarjoem jallh viehkiem guktie buerebe damta . Daesnie maahtah lohkedh maam maahtah jïjtje darjodh jïh gåabph maahtah viehkine båetedh jis dam daarpesjh.

Ung kvinna ligger på rygg i en säng med mobilen bredvid

Jis fahketji tsiehkie sjædta

Datne dan nåake damth jïh ussjedh jielede ij leah vyörtegs jieledh? Dov åssjalommesh jallh soejkesjh aemieluesedh? Dellie ih edtjh dejnie oktegh gïetedidh. Daarpesjh soptsestidh gïejnie akt mejnie jearsoes damth, hoksem ohtsedidh jallh aktem dåarjoejarngem gaskesadtedh. Naa sïejhme ussjedidh aemieluesemen bïjre mohte hijven viehkie gååvnese.

Ringkh dallegh 112 jallh gaskesadth psykiatrijen hïehkedåastovem jis dan nåaeke damth jallh ussjedh aemieluesedh.

Naan aejkien maahta nåake damtedh

Gaajhkesh nåake biejjieh utnieh. Ij daarpesjh dan åvteste viehkiem ohtsedidh, muvhtene jieledem ånnetji geerve maahta årrodh. Gosse naemhtie, maahta nuekies årrodh viehkiem åadtjodh fuelhkeste jïh voelpijste jïh soptsestidh guktie gåarede, hijven åeredh, hijven byöpmedidh jïh saavredh.

Jis dah nåake biejjieh annje jienebh goh dah hijven biejjieh, jis ih jïjtjemdh damth jallh ih barkoem, skuvlem jallh voelpigujmie gïehtelh, dle vihkeles naakenigujmie soptsestalledh jïh dagke viehkiem ohtsedidh. Voestes iereste maahta årrodh gie akt fuelhkesne, voelpe jallh jeatjah maam leajhtedh. Jis vielie dåarjoem daarpesjh maahtah hoksejarngem bïeljelidh. Aaj siebrieh gååvnesieh mah psykijen healsoen sisnjelen berkieh mah dåarjoem faelieh telefovnine , chattine jallh e-påastine.

Jis datne dan nåake damth

Dïhte vihkele datne dov healsoejarngem jallh psykiatrijen ræhpashoksedåastovem gaskesadth jis datne dan nåake damth jallh dov leah åssjelh edtjh datnem skaarehtidh. Jis datne nuerebe 25 jaepien båeries maahtah aaj noeredåastvem bïeljelidh, jïh jis datne skuvlesne maahta skuvleskïemtjesåjhtere jallh skuvlekuratovre datnem viehkiehtidh. Jis ih daejrieh gïem edtjh bïeljelidh maahtah 1177 ringkedh guktie dah datnem viehkiehtieh reaktoe dåarjoem jallh hoksem åadtjoeh. Datne maahtah veeljedh jis sïjhth daaroestidh jallh englaanten gïelem nuhtjedh. Muvhth regijovnine maahtah telefoneraeriem åadtjodh jeatjah gïeline. Mejtie dov lea reakta toelhkem utnedh hoksen luvnie. Jis gïerve hoksem bïeljelh, maahtah gihtjedh gïem akt gie datne damth datnem viehkiehtidh.