Tu te hatjares tu čores

Sa kongodi si unjivar čores. Kado si jekh naturlicko rig ande amaro trajo. Butivar kado hatjarimo načol de unjivar fajma trubuj tu žutori te hatjares tu maj feder. Khate korkori tu šaj gines so tu korkori šaj keres taj ka šaj boldes tu te trubuj tu žutori.

Ung kvinna ligger på rygg i en säng med mobilen bredvid

Te si akut

Hatjares tu but čores taj gindos tu ke či del tu kodo khanči te trajis? Si tu gindura vadj planura te les tjiro trajo? Atunči kado na inker ande tu korkori. Tu trubus te vorbis varikasa ande kas patjas, te manges gindomo(vård) vadj te kontaktolis jekh žutoreske žuros (stödjour). Dosta but ženen si e gindura te len pengo trajo korkori de si lašo žutori so šaj del pe.

Khar direkt 112 vadj kontaktolin psikiatricko akuto te hatjares tu čores taj te gindos tu te les tjiro trajo.

Kodo si ok te hatjaren pe čores unjivar

Kazgodes si čore djesa. Butivar naj kecavo pe sos te mangen žutori, unjivar o trajo si numa de za pharo. Kana kado kade si dostaj te del i familja žutorimo taj e amala taj te vorbin sar o manuš si, te soven mišto, te xan mišto taj te mižan/phiren.

Te si e čore djesa maj but sar e laše, či hatjares tu kade sar so sitjos te aves vadj či biris i butji, škola vadj te maladjos amalenca si importanto te vorbis varikasa vadj te rodes žutori. Po anglunimo šaj avel variko anda i familja, jekh amal vadj variko aver ande kas patjas tu. Te trubuj tu maj but žutori šaj kontaktolis tjiro vordcentrali (vårdcentral). Si vi organizaciovura so keren butji e psikickone sastjimasa taj žutin pa o telefono, chatt vadj mejlo.

Tu te hatjares tu but čores

Importantoj tu te kontaktolis tjiro vordcentralo (vårdcentral) vadj jekh psikicko phuterdo gindimasko motagningo (öppenvårdsmottagning) kana tu hatjares tu but čores vadj si ande tjire gindura te keres tuke bajo korkori. Tu te na san inke 25 beršengo/beršengi šaj kontaktolis vi jekh ternengo motagningo, taj te žas andi škola šaj žutij tu a školaki sestra vad a školako kuratori. Tena žanes ka trubuj te boldes
tu šaj khares 1177 taj von žutin tu maj dur ka šaj les žutori taj gindimo (vård).
Tu šaj vorbis švedicka vadj englišicka. Ande varisave regionura šaj phenen tuke pa telefono vi pe avera šiba so tu te keres. Tut si prava po tolko kana žas ka o gindimo (vården). (I vissa regioner kan du få telefonrådgivning på andra språk. Tut šaj si prava po tolko tolk vid besök hos vården.) Te si phares tuke te les kontakto e gindimasa (vården) šaj manges varikas te žutij tu ande kas patjas tu.