So si psykisko sastimos?

Psykisko sastimos si jekh vorba kaj si pherdo dželi andre, numa šaj phenes ke si sar o manuš ačarel pe aj sar o manuš lel kontrola opral pa o trajo. Psykisko sastimos si parasolkaki vorba pa psykisko mištimos, psykisko dukh aj psykiatrisko situvatsia.

Amaro psykisko satimos si jekh važno khotor pa manušesko manušipe, sar si amenge aj sar trajinas aj sar las kontrolla opral situatciji ando trajo. Psykisko aj fysisko sastimos si phangle ande jehk kavreste, te lasa sama pala amaro fysisko sastimos si maj bari čansa te avel amenge maj mišto po psykisko sastimos – aj vi le kavre dromsa.

Psykisko sastimos aj psykisko bi sastimasko naj sa jekh fjalo, numa univar hamin pe le vorbi ande jekh than.

Psykisko sastimos si parasolkaki vorba pa psykisko mištimos, psykisko dukh aj psykisko situatsia.
Psykisko bi sastimasko si jekh vorba kaj psykisko dukh aj psykisko situatsia.

Manušesko sastimos maladol pe sar si o trajo aj pa soste nakhes,
sar viciaki dukh, sar trajisardan sar glata, situatciji ando trajo, te si le manuš love aj socialno trajo, aj sar o manuš lel kontrola opral pa trajo.

Uni dželi sar sastimasko manušipe biril o manuš te paruves korkoro,
sar rutinori, numa uni dželi si maj phares te keres variso, sar eksemplo
sar trajindan sarg lata aj vicake dukha.

So si psykisko mištimos?

Manušesko mištimos si pa sar tu ačares korkoro sar si tuke. Šaj avel vi pa fysisko aj psykisko sastimos. Psykisko mištimos si pa amari reaktcija sar ačaras o trajo, te si pača aj ačaras ke si pe hazna. Vi pa sexualno sastimos si. Kaver dželi kaj sikhavel ke si manušes jekh mištimos ke si balanso po positivno aj negativno gindori, ke si le manušes laše baratori aj o maj važno si socialno relatcija, te ačarel o manuš ke keres mišto aj ačares ke les maj but žanglimos aj te si
o trajo pe hazna. So si kaj ačarel o manuš jekh lašo mištimos ando trajo maladol pe pala svako manuš, naj sa jekh fjalo kaj svako manuš.

Psykisko mištimos šaj dikhes sar jekh profundosko resurso te biril o manuš
te nakhel aj te lel karing peste so si ando trajo, vi te si vušoro vaj phares. Gado haznil karing o khetanimos te si o manuš sasto aj biril te kerel buči vaj te lel educatcija aj ke gadya xancol le košti kaj le spiti.

Psykisko mištimos naj sa jekh fjalo numa paše karing psykisko bi sastimasko. O narodo ando khetanimos šaj dikhes ke saste si psykisko dukh vaj psykisko situatsia ke lende si maj nasol psykisko mištimos. Numa kaj jekh individo sar anel kaver fjalo. Šaj avel xores le manušeske ande uni khotora ando trajo numa na ande kaver khotora. Šaj avel sar eksemplo ke ačares pharimos aj phares si tuke te ande buči vaj skola, numa si tut lašo relatcija karing baratori, aj khotar ačares radojimos ando trajo.

So si psykisko bi sastimos?

Psykisko bi sastimos šaj avel vi pa psykisko dukh aj pa psykisko situatsia. Psykisko bi sastimos kerel vi dukh kaj manuš kaj si paše aj butivar kaj familja.
E dukh aj situatsia šaj kerel le manušesko phares ando trajo, sar eksemplo te avel o manuš maškar kaver žene, te žal kaj buči vaj te phirel ande škola. Sar vi le manušesko naj sa jekh fjalo vi te si psykisko dukh vaj situatsia numa si defjal individuelno. Jekh kan manuš šaj ačarel pe xores pala psykisko dukh bi ta avel le manušes psykisko diagnoso.

Psykisko dukh

Psykisko dukh si normalno, aj svako manuš sas varikana stresime dela jekh vramja vaj ačarde pharimos, dukh vaj sas lenge phares te soven vaj naštin te koncentratcija pe buči. Butivar si godo normalno reaktcija so si kaj žal ando trajo. E dukh šaj avel vušoro vaj phares aj šaj žaltar ando sigo vaj lel lungo vramja. Univar šaj avel psykisko dukh kerel te dukhal o statoske symtomori, sar eksemplo šeriski dukh, dukh ando dji, dukh ande zija vaj zalimos.

Phare dukha šaj kerel te si phares te keres važno dželi svako djes- te kers buči, educatcija, hobby kaj si tuke drago vaj te les sama pala tute aj kaver žene. Butivar žaltar e dukh anda peste korkoro, aj si dželi kaj šaj keres korkoro te sastares tut.
Te Avela e dukh dela lungo vramja šaj avel ke trubol le manuš ažutimos
khatar spita.

Psykisko situatsia

Kaj psykisko situatsia si pa psykiska nasvalimata aj syndro, sar eksemplo depresiona, xamosko nasvalimos aj o manuš kaj si pijanso. Khate si vi neuropsykiatriska nasvalimata, sar eksemplo adhd aj autism. Te šaj les psykisko diagnoso trubol pherdo kriterier te nakhel o manuš. Te si le manušes sar eksemplo pherdo fjalori symtomori dela jekh lungo vramja, kaj kerel jekh nikaso le manušeske. Butivar lel o manuš ažutimos sar eksemplo khatar jkeh psykolog vaj doktoro, numa šaj žaltar e dukh anda peste korkoro.

Te mudares tut

Te mudares tut vaj suicid, si kana o manuš si les gindo te lel pesko trajo.
Pherdo žene kaj len pesko trajo si len depresion vaj jekh kaver fjalo psykisko
bi sastimasko, numa butivar si pherdo dželi kaj kerel te lel o manuš pesko trajo. Rodejimos sikhavel ke but žene ke o manuš kamel te merel, numa so si ke
o manuš našeltar khatar e dukh aj či biril te dikhel jekh kaver drom ande jekh defjal xoralo tristimos.

O manuš daral xorales kana varikon phenel ke site len pengo trajo vaj keren
te dukhaven pe korkoro. Numa ažutimasa khatar familja, baratori aj spita biril
o mansuh te nakhel godo nikaso. Naj bajo te des duma pa te les o trajo ke či
kerel maj bari riska ke lel o manuš pesko trajo.

Te si tut gindori te mudares tut

Te si tuke xores aj si tut gindori te mudares tut ke naj hazna te trajis? Si tut
gindori vaj jekh plano sar te les čiro trajo? Atunči te na inkeres godo ande
tute. Tu trubos te des duma varikasa, te rodes spita vaj te les kontakto kaj jekh ažutimasko jour. Normalno si te avel manušes gindori te mudaren pe aj si ažutimos te les.

Mar telefonon kaj 1177 te les ažutimos vaj mar telefono kaj Självmordslinjen
po 90101 te trubos te des duma pa čire gindori.