Sar te ačares tut maj mišto

Si pherdo bučija pa amaro sastimos kaj kerel sar ame ačaras ame. Si uni dželi šaj keres korkoro aj uni džli si maj phares te keres variso karing godo. Khate sikhavas so šaj keres korkoro kaj zorarel čiro psykisko sastimos aj te ačares tut maj mišto. Musaj te des tut gindo ke šaj lel vramja kana keres neve rutinori. Či trubos te keres sa anda jekh data. Le tut varisosa kaj malavel pala tute vorta akana.

Si uni dželi pa sastarimos kaj si maj phares te keres korkoro. Te si tuke defjal xores vaj si variso kruglom kaj kerel tuke phares te paruves čiri situatcija vaj čiro sastimos, šaj avela ke trubol tut ažutimos aj zor te ačares tut maj mišto,
sar eksemplo khatar e špita.

12 Ažutimata kaj zorarel čiro psykisko sastimos

Te des duma sar ačares tut

Te thos vorba sar ačares tut šaj ažutil tut te ačares tut korkoro aj te les ažutimos kana trubol tut. Te des duma varikasa kaj si tut pačajimos aj te phenes sar si tuke šaj vužoril pe sar te phires mit phare gindori. Zumav
te des duma varikasa sar si tuke aj sar ačares tut, vi te ačardola tuke phares. Maj vušoro kerdol kana kerdan godo maj butivar.

Te aves manušensa kaj keren te ačares tut maj mišto

Te ačaren pe zoralo aj te aves tut korkoro kana san kaver manušensa si važno te avel lašo sastimos. Sastemaske socialno relatcija del le manušes energicja aj ažutimos kana trubol tut.

Ker fysisko aktiviteto kana godi

Kana o manuš kana godi kerel fysisko aktiviteto si pe pherdo fjalori mišto anda o sastimos. O manuš biril te sovel maj mišto, maj laši koncentratcija aj maj xancol dar aj pharimos. Fersavo aktiviteto aj jekh sera fysisko aktiviteto si mišto. Vi xinore parudimata sikhavel positivno effekto ando sigo.

Te žas te soves pe vramja aj te les palpale zor

O manuš kana sovel vorta atunči vi barol e zor kana xas fysisko aj psykisko zor. Ternemata trubol len pašte oxto ži kaj deš casori svako rat te soven.
Te ačaresa tut sasto aj biris te keres dželi djese atunči soves dosta. Kana
o manuš sovel atunči kerel e godji aj o stato buči aj hodinil.

Te les žanglimos aj te zoravos

Manušesko zor si but pa te avel manušes paša aj te ačares tut ke san koči. O angluno paso si te les žanglimos aj te zoravos sar des tut gindo aj sar ačares tut pa tute korkoro. Tu šaj zorares čiro manušipe pe pherdo fjalori, sar eksemplo te keres neve dželi, te na avel tut negativno gindori aj sar ačares tut pa tute korkoro, te zumaves te phenes čire gindori vaj te arakhes jekh drom kaj zoravol čiro manušipe.

Te aves dumolo karing tute korkoro

Te avel o manuš dumolo karing peste si pa te avel le manušeske mila, univar šaj dikhes godo sar kritika karing o manušipe. Zumav aj tho normalne zor
aj normalno dikhimos pe tute korkoro. Defjal mišto si te seres ke konik naj perfekto. Trubos te ašunes pe tute korkoro aj so trubol tut aj te aves dumola karing tute aj te aves barato karing tute korkoro.

De tut vramja aj ande godo kaj phabos

Te ažutis kavren aj te keres buči pa soste tu phabos kerel te buflol o manuš aj si pe hazna vi tuke aj vi kavrenge. Kana ačares ke keres mišto zoravol
o maušipe. Si pherdo droma sar o manuš sar te buflol ando manušipe,
sar eksemplo te sikaves intreso, te ažutis kavren manušen kaj si tuke paše, vaj te ažutis kavren kana trubol len ažutimos. Vi šaj avel buči volontitsko
vaj te keres buči pa pušimata kaj phabos anda.

Lašar rutinori te avel tuke mišto

Manušeske fundamentalna rutinori si te xas xabe, te soves, fysisko aktiviteto, te hodinis aj socialne relatcija si jekh musaj anda manušesko sastimos. Te arakhes balanso maškar buči, škola, hoby aj kaver djeseske bučia šaj ažutil
te ačares tut mišto. Rutinori šaj ačardol univar normalne numa vi xore,
aj gado kerdol extra dukhade kana si le manušeske xores. Anda godo si važno te arakhes laše droma pe rutinori.

Na pra but stresso

Te avel o manuš univar stressime naj xores. Numa te ačarela o manuš pra but stres te la lungo vramja godo naj mišto karing o manušesko sastimos. Anda godo si važno te ačares kana si pra but aj te zumaves te vortos e buči, Atunči lel o manuš jekh čansa ” te del pe jekh e statoski batterija” aj
o manuš biril te kerel inke maj but buči. Te si o stresso pra baro vaj dela lungo vramja trubol o manuš te rodel professionlno ažutimos.

Te arakhes balanso sode bešes angla komputero

Te haznis komputero, TV, vaj vastesko telefono aj surfplata si defjalo važno buči kaj but žene kaj haznin svako djes. Univar šaj avel ke bešel o manuš pra but po komputero aj či biris te keres kaver džli kaj si sa jekh fjalo važno, sar lindri, fysisko aktiviteto aj socialne relatcij.
Godo so dikhes pe digitalne media vi šaj kerel nasol karing manušesko sastimos. Anda godo si mišto te des tut gindo sode haznis, sode vramja
thos aj pe soste tu dikhes. Gado šaj ažutil tut te thos zor pe dželi kaj kerel
tut maj mišto.

Te les sama pala e vramja

Te avel le manušes laši vramja šaj zorarel le manušesko sastarimos.
Anda godo si mišto te thos vramja pe varisoste kaj si tuke drago kaj haznil
pe tuke. Godo šaj avel te keres kulturake aktivitetori, te trenois, te žas ando veš, te lašares xabe vaj te keres buči luludžansa ande bar. Naj jekh facit
vaj so si vorta vaj xores kana les sama pala e vramja. O manuš trubol te
dikhel so si kaj kames aj te avel tuke pe hazna.

Te zumaves te aves dumola karing tut ke o trajo žal opre aj vi dele

Kaj svako manuš si len jekh vramja ando trajo kaj si lenge xores, tristi vaj stressime. Numa godo načol. O manuš kana primil godo vušorilpe vi
kana sastos. Godo kerel ke arakhas pača aj či trubonas te rodas sar te
vortol pe o problemo. Akceptanso naj ke či maj manges variso, numa ke
les o akceptanso opral pa e situatcija gadya sar si – vorta akana. Važno si te zumaves te les pauso khatar godo kaj ačardol phares, sar eksemplo te keres variso kaj si tuke drago. Numa te si tuke xores dela lungo vramja aj či des ando gor, šaj rodes ažutimos.