Statistika sar si amenge ando Švedo

Pašte inja khatar deš manuš ando Svedo phenen ke si len lašo sastimos aj maj but žene si khatar le berš 65-84. Kana si le manušeh lašo sastimos si ke dikhen positivno po trajo, te ačares hodina, te biris te des gindo vorta aj te lašares problemori.

Vi te si but žene kaj si len lašo sastimos si pherdo žene ando rapporto ke ačaren ke naj len lašo sastimos sar dar, pharimos, pharimos, stress aj či birin te soven. But žene naj ke si phare dukha kaj si len.

Khatar o rodejimos Skolbarns hälsovanor žal svako štarto berš pe glati khatar
le berš11, 13 aj 15. Maškaral khatar le berš 1980 si rapportori pa psykisko
aj fysisko ke maj barilo ke naj lašo sastimos kaj glati kaj phiren ande skola,
maj but si šeja khatar le berš 13- aj 15, numa dikhen ke maj but si sar psykisko dar, pharimos, stresso aj ke či birin te soven ande maj phure beršenge grupi (16-84) dela 20 berš. Te dikhes opral sosa keren buči, si maj but kaj phiren ande fakulteto aj kaste naj len buči si godola žene kaj naj len lašo sastimos sar godola sar si len buči.  

Tristimos, dar aj pharimos

Pašte 40 procenti khatar o narodo phenen ke si len tristimos, dar vaj pharimos. Numa kaj but žene naj len phare dukha.

Tristimos, dar aj pharimos si maj but kaj terne manuš sar kaj phure manuš.
Kaj le maj terne beršenge grupi phenen ke dopaš khatar le žene sas len vušoro vaj phare dukha. Khatar phure manuš si jekh khatar trin kaj sas len gadala dukha.

Gado si maj normalno maškar le žuvlia sar khatar murš. Svako dujto žuvli aj svako trito murš sas len vušoro vaj phare dukha pe tristimos, dar vaj pharimos. Terne žuvlia khatar 16 aj 29 beršenge si maj bari grupa si kaj phenen ke si len tristimos, dar aj sastimos. 50 procenti phenen ke si len vušoro dukha aj 23 procenti phenen ke si len phare dukha.

Ande deš berš si rapporti pa tristimos, dar  vaj pharimos maj barilo maškar
o sveditsko narodo khatar 31 procenti khatar berš 2011 ži kaj 43 procenti khatar o berš 2021. But anda lende si vušori dukha, numa 7 procenti ačaren defjal zorale dukha.Anda sa le beršengi frupi sikhavel ando rapporto ke maj but žuvlia sar murš si len dar aj pharimos, aj maj but si kaj terne žuvlia (16-29 beršenge).  Zorali dar aj tristimos sikhada 23 procenti khatar terne žuvlia ando berš 2021. Ando berš 2011 sas atunči ferdi 9 procenti. Sa gadya sikhavel sa jekh fjalo maškar terne murš, numa khatar 5 procenti ando berš 2011 ži kaj 9 procenti ando berš 2021.

Problemo te soves

Pašte 40 procenti khatar o narodo phenen ke si lenge phares te soven. Phure manuš si lenge phares te soven sar terne manuš aj o problemo anel ke vužol khatar le berš 40-50. Maj but žuvlia si lenge phares te soven khatar murš. Manuš ande le berš 45 ži kaj 64 si pašte dopaš anda lende žuvlia kaj si len vušoro vaj phare problemori te soven.

Te aves korkoro aj isolatcija

Pašte svako štarto manuš khatar o narodo kaj si 16 beršenge aj maj phure phenen ke si korkoro aj ande isolatcija. But anda lende ačaren ke naj baro problemo numa uni si lenge gado baro problemo.  Maladol pe maškar le berš.
Te avela korkoro aj isolatcija simaj normalno maškar phure ternimata aj pe manuš opral 85 beršenge.

Depressiona

Depressiona vaj tristimos si jekh khatar le maj normalne psykiatrisko diagnoso maškar phure ternimata. Totalno phenen ke svako panžto manuš ando Svedo line varikana o diagnoso po depressiona. Depressiona si dublo o maj normalno te len le žuvlia sar maškar murš.

Stresso

Pašte svako šofto manuš ačarde pe stressime. E Sstatistika sikhavel ke maj normalno si gado maškar žuvlia aj terne manuš, numa vi kaj manuš kaj phiren po fakulteto, manuš kaj naj len buči aj manuš kaj si ramome nasvale po lungo vramja. Pašt 40 procenti khatar sa le nasvalengi ram si pala stressime situatcija po bi sastimasko.