Te na avela tuke mišto

Sa le manuš naj lenge mišto univar. Godo si jekh normalno khotor ando trajo. Butivar žaltar godo anda peste korkoro numa univar trubol le manušes ažutimos te ačaren pe maj mišto. Khate šaj gines so šaj keres korkoro aj kaj te boldes kana trubol tut ažutimos.

Ung kvinna ligger på rygg i en säng med mobilen bredvid

Te si akut

Te na avela tuke mišto aj si tut gindori ke o trajo naj pe hazna? Si tut gindori vaj plano te les čiro trajo? Atunči te na inkeres godo korkoro. Tu trubos te des duma varikasa kaj si tut pačajimos ande, te rodes špita vaj te les kontakto kaj ažutimasko jour. Gado si relativno normalno te avel manušes gindori te lel pesko trajo (självmordstankar) aj si lašo ažutimos te les.

Mar fugo telefono 112 vaj ker kontako kaj jek psykiatrisko akuto te si tuke but phares vaj te si tut gindori te les čiro trajo.

Okej, si te na avel tuke mišto

Kaj svako manuš si len uni djesa xore. Butivar či trubol o manuš te rodel ažutimos, univar maldol pe ke si phares. Kana si gaday si dosta ažutimos khatar familja aj baratori te phenes sar si tuke, te soves vorta, te xas lašo xabe aj te keres variso.

Te avela le xore djesa kerdon maj but khatar le laše djesa, aj te ačaresa ke či prinžares tut vaj či des ando gor te keres čiri buči, škola vaj te dikhes baratori atunči si važno te des duma varikasa vaj te rodes ažutimos. Šaj avel anda gor varikon anda čiri familja, jekh barato vaj varikon kaj si tut pačajimos ande.
Te trubola tut maj ažutimos šaj kontaktiris kaj e špita. Si vi organisatciji kaj keren
buči le psykisko sastimasa aj kaj den ažutimod telefonosa chatt vaj mejlosa.

Te avela tuke defjal xores

Važno si te les kontakto kaj špita vaj kaj puterdo psykiaktrisko špita te si tuke defjal xores vaj si tut gindori te dukhaves tut korkoro. Te san tela 25 beršengo šaj les kontakto kaj ternimatengi špita, te phiresa ande škola šaj les ažutimos khatar školaki lugeritcija vaj školaki kurator. Te či ave siguro karing kaj te boldes tut šaj mares telefono kaj 1177 atunči ame ažutinas tut te les vorta ažutimos vaj špita. Tu šaj alos te des duma šveditska vaj angelcijtska. Ande uni regionori šaj les telefonosko ažutimos pe kaver šiba. Tut si čačimos kaj dolmač kana san kaj špita. Te ačardola tuke phares te les korkora kontakto kaj špita, šaj manges ažutimos ande varikaste kaj pačas tut ande.