Te nane tuke šukar

Sarinenge disavo var nane šukar. Odova tano jek prirodno kotor taro dživdipe. But vare odova oset nakhela ama disavo var kaj te šaj te ovel pošukar šaj trebela podrška ja pale pomoč. Akate šaj te čitine so šaj te čere korkori thaj kori šaj te obratine tut te trebindža tuke pomoč.

Ung kvinna ligger på rygg i en säng med mobilen bredvid

Tej diso akutno

Bilačhe tuke odoborom but thaj mislinea kaj o dživdipe nane vredno te dživdinel pe? Isi tut misle ja pale planija te mudare korkori tute? Tej adžahar tegani tu na ka ikere odova korkori ani tute. Tuke trebela te vakere džikasaja upri kaste so isi tut poverenje, te rode arakhibe ja pale te kontaktirine jekh dežurno podrška. Odova tano relativno obično so isi manuše korkorimudaribaskere misle thaj isi šukar pomoč bašo odova.

Tej tuke but bilačhe ja pale te mislineja te mudare korkori tute, telefonirin tegani sigate ko 112 ja pale kontaktirin jek psihiatrikano akutno klinika.

Disavo var šaj manušeske te ovel bilačhe

Sarinen šaj te oven disave bilačhe divesa. Ama na mora uvek te rodel pe pomoč bašo odova, disavo var o dživdipe tano pharo. Keda tano odova adžahar tegani manuš šaj te rodel pomoč e familijatar ja pale kotar o amala, tegani manuš šaj
te vakeri sar manuš osetinela pes, te sovel sar so trebela, te hal pe šukar hem
te phirel.

O bilačhe divesa te ule buteder kotar o šukar divesa, te na osertineja tut šukar ja pale tej tuče pharo te kere tli buti, i škola ja pale te našti te dikhe tut tle amalencar, tegani tano važno te vakere džikasaja a šajda ka trebe te rode pomoč. Odova šaj počmineja džikasaja kotar i familija, jekh amal ja pale džiko upri kaste tu so pačaja. Te trebindža tuke buteder podrška tegani šaj te kontaktirine tle ambolanta. Isi thaj disave organizacije so kerena buti e psihikane sastipaja thaj ola podržinena telefoneja, ko čat ja pale ko mail.

Tej tuke but bilačhe

But i važno tej tuke but bilačhe ja pale te isi tut misle te dukhave disar korkori tut, te kontaktirine tle ambolanta ja pale jekh psihijatrikani phravdiarakhibaskiri klinika. Te isi tut pohari kotar 25 berša tegani šaj te kontaktirine thaj e ternengiriphravdi klinika, a te džaja ki škola tegani šaj dela pe tuke pomoč kotar e školakirimedicikani phen ja pale kotare školakoro koratori. Te sian nasigurno kaste šaj te dža tegani šaj te telefonirine ko 1177 thaj ola ka pomožinen tut kori šaj te le i podrška ja pale pomoč. Tu šaj te birine te vakere anglikane ja pale švedikane. Ko disave regiojna šaj dela pe telefonikanogodidejbe ko javera čjibja.
Tu šaj te ovel tut pravo bašo tumačibe keda džaja ko arakhibe. Te osetineja kaj tuke pharo korkori te rode arakhibe, tegani šaj te zamoline džikas upri kaste so pačaja
te pomožinel tut.