Jos don veaját heittogit

Buohkat vedjet heittogit muhtumin. Dat lea lunddolaš oassi eallima. Dábálaččat dat manná meattá, muhto muhtumin sáhtát dárbbašit doarjaga dahje veahki vai veaját buorebut. Dáppe sáhtát lohkat maid ieš sáhtát dahkat ja man beallai sáhtát jorgalit, go dárbbašat veahki.

Ung kvinna ligger på rygg i en säng med mobilen bredvid

Jos dat lea akuhtta

Veajátgo hui heittogit ja jurddašat, ahte eallin ii leat eallinveara? Leatgo dus jurdagat dahje plánat sorbmet iežat? Dalle dan ii gánnit doallat iežas diehtun.
Don galggat ságastit soapmásiin geasa luohtát, ohcalit dikšui dahje váldit oktavuođa doarjjaguovddážii. Iešsorbmenjurdagat leat oalle dábálaččat ja fállamis lea buorre veahkki.

Čuojat dakkaviđe 112 dahje váldde oktavuođa psykiátralaš akuhttagohcimii jos dovddat ahte veaját hui heittogit ja árvvoštalat sorbmet iežat.

Lea OK ahte muhtumin veadjá heittogit

Buohkain leat fuones beaivvit. Dábálaččat dasa ii dárbbaš viežžat veahki, muhtumin eallin lea oktageardánit menddo váttis. Go lea ná, sáhttá leat ahte lea doarvái ahte oažžu veahki bearrašis ja ustibiin ja ságastit dovdduid, oađđima, borrama ja lihkadeami birra.

Jos fuones beaivvit leat ain eanet go buorre beaivvit, it dovdda iežat itge birge barggus, skuvllas dahje ustibiid deaivamis, de lea dehálaš ságastit soapmásiin ja kánske ohcat veahki. Álggus dat sáhttá leat bearašlahttu, ustit dahje gii nu geasa luohtát. Jos dárbbašat eambo veahki, sáhtát váldit oktavuođa dearvvašvuođaguovddážii. Leat maiddái organisašuvnnat mat barget mielladearvvašvuođain, mat fállet doarjaga telefovnna, chatt dahje
šleađgapoastta bokte.

Jos dovddat iežat veadjit hui heittogit

Lea dehálaš ahte válddát oktavuođa iežat dearvvašvuođaguovddážii dahje psykiátralaš poliklinihkkii, go veaját hui heittogit dahje dus leat jurdagat vahágahttit iežat man nu ládje. Jos leat vuollel 25 jagi, sáhtát maiddái váldit oktavuođa nuoraidvuostáiváldimii, ja jos manat skuvlii sáhtát oažžut veahki skuvladearvvašvuođadivššáris dahje skuvlakuráhtoras. Juos leat eahpesihkkar gean beallai sáhtát jorgalit, sáhtát čuojahit 1177, de sii veahkehit du gávdnat rivttes doarjaga ja divššu. Sáhtát válljet háliidatgo hupmat ruoŧagillii dahje eŋgelasgillii. Muhtin guovlluin sáhtát oažžut telefonrávvagiid eará gielaide. Dus sáhttá leat vuoigatvuohta oažžut dulkka, go finat dearvvašvuođafuolahusas. Jos orru leamen váttis ieš váldit oktavuođa, sáhtát bivdit luohtehahtti olbmo veahkehit du.